السلام عليكم ورحمة الله تعالى وبركاته اما بعد :
اليوم راح نحكي على موضوع الاغلبية جع يحبوه ولي هو رواتب المبرمجين ، و الاختنلافات بين هدو الرواتب ولي راح نقسمو بيئة العمل الى اقسام :
1.شركات صغيرة ومتوسطة : في اقصى حالاتو بالاك يفوت ويتعدى 3000 دولار ، في الدول العربية كيما دول الخليج مثلا.
2.شركات اجنبية كبيرة : لهنا رانا نهدرو على شركات كيما جووجل وفايسبوك و ايبيام وغيرها من الشركات المعروفة وراح يكون سالار السنوي من 50 الف دولار الى غاية 150 الف دولار .
3.مشروع جانبي : يعني دير مشروع بنفسك وتتولى برمجتو وتسويقه والسهر عليه وعلى سبيل المثال لا على الحصر واحد مركي داير موقع يقدم خدمة ما باشتراك شهري يقدر ب 1 دولار وقدر يشتركو في هذا الموقع حولي 50 الف مشترك مالا طلعو لحساب شحال راهوي يخلص في الشهر (50 الف بلا احتساب التكاليف )
4..العمل مع فريق : لهنا تشبه للمشروع الجانبي بصح لهنا نت ا جزء منو فقط وتقدر تكون عندك فرصة كبيرة بزاف باش تحقق عوائد ضخمة في حالة نجاح المشروع من امثلتها انشاء لعبة خدمة او حتى برنامج يقوم بحاجة مذهلة ويكون حل للمشكل ما
بتقريب هدوما مختلف بيئات العمل والمداخيل تقتخلف مع دولة العمل و نوع تع بروجي وميزانيتو وحتى مع قوة التسويق وغيرها من العوامل
وعلاش درتلكم هذا الموضوع مع انو ما يتضمنش حسابات دقيقة ولا حسابات بالمصادر ، الاجابة هو تحفيزكم باش تكملو تتعلم البرمجة وتركزو على التعلم اولا وعلى التعلم باش تخدم في العالم ماشي تركز غير باش تولي موظف غير في الجزائر